Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.
~~META:
title = Юльюш Славацкі — Гімн
&keywords = Божа, сумна, знаю, сонца
&abstract = Чытаць верш Юльюша Славацкага "Гімн"
&iftrue = nan
~~

====== Юльюш Славацкі — Гімн ======
Сумна мне, Божа! Хоць ты прада мною\\
Пурпурам захад заліў прамяніста,\\
Гасіш падсіненай хваляй марскою

Зорак маніста,

Мора і неба залоціш прыгожа. –

Сумна мне, Божа!

\\
Я, як той колас, што выплакаў зерне,\\
Голаў узняўшы, стаю ля заліва.\\
Пройдзе тутэйшы і ўвагі не зверне:

Выгляд шчаслівы.

Хто ім тут я – пілігрым перахожы?

Сумна мне, Божа!

\\
Як дзіцянё, не хаваючы жалю,\\
Тужыць па маці, так з жалем гляджу я\\
На небакрай, дзе, скаціўшыся ў хвалі,

Сонца начуе.

Як бы хацеў з ім і я ў падарожжа! –

Сумна мне, Божа!

\\
Сёння у плаванні ў моры вялікім –\\
Сто міль ад берага Нільскай даліны –\\
Ранілі ў сэрца мне мілыя клікі

Стай жураўліных,

Можа, дзе ў Польшчу ляцяць яны, можа.

Сумна мне, Божа!

\\
Частыя думы аб блізкай магіле,\\
Сум і туга па бацькоўскаму дому.\\
Гнаны вандроўнік – лічу свае мілі

Ў грукаце грому.

Вечна ў хадзе – на шляхах, раздарожжах...

Сумна мне, Божа!

\\
Ты будзеш сведкай: злажу свае косці\\
Не пад плітой мармуровай у склепе.\\
Тым, што спачылі на родным пагосце,

Сто разоў лепей.

Мне ж ты судзіў неспакойнае ложа.

Сумна мне, Божа!

\\
Знаю, штодзень на радзіме сіротка\\
Моліцца шчыра па мне без прывету.\\
Знаю, не ў край мой плыве мая лодка

З белага свету.

Мабыць, маленне яе не паможа, –

Сумна мне, Божа!

\\
Гэтыя фарбы шматлікіх адценняў,\\
Гэтае зарыва з далі крывавай\\
I праз стагоддзі другім пакаленням

Будуць забавай.

Хто ж прымірыцца з нікчэмнасцю зможа?

Сумна мне, Божа!

\\
//Напісана на захадзе сонца ў Александрыі//

//19 кастрычніка 1836//

//\\
\\
Пераклад Язэпа Семяжона//

\\
\\
Крыніца: Літаратура Беларусі ХІХ стагоддзя: анталогія / укладальнікі: К. А. Цвірка, І. С. Шпакоўскі, К. У. Антановіч – Мінск: Беларуская навука, 2013. – 862 с.

 


===== Падобныя старонкі =====
  * [[творы/юльюш-славацкі/юльюш-славацкі-мой-тастамант]]
  * [[творы/юльюш-славацкі/жыццёвы-шлях-і-творчасць-юльюша-славацка]]
  * [[слоўнік/гімн]]
  * [[творы/юльюш-славацкі/юльюш-славацкі-песня-дзяўчыны-казачкі]]