~~META:
title = Эдуард Валасевіч — Шпачыны канфуз
&keywords = шпак, птушкі, арол
&abstract = Байка Эдуарда Валасевіча "Шпачыны канфуз"
&iftrue = nan
~~

====== Эдуард Валасевіч — Шпачыны канфуз ======
Шпака прырода ані ў чым не абышла:\\
І слых, і голас, і душу дала,\\
І крылы для палёту!\\
І Шпак лятаў, свае выводзіў ноты.\\
Ды неяк, пабываўшы за мяжой,\\
Такіх акордаў і мелодый нахапаўся,\\
У такое пер’е ён стракатае прыбраўся,\\
Што птушкі зачырыкалі наперабой –\\
Хто з зайздрасцю, хто з абурэннем.\\
Па лесе гамана пайшла і зацікавіла Арла.\\
– Ну, братка, пакажы сваё ты ўменне,\\
А я паслухаю ў цяньку, –\\
Прапанаваў Арол Шпаку.\\
Тут і завёў спявак з натхненнем:\\
То як Калібры, то як Какаду,\\
То імітаваў Фламінга, то Тукана,\\
То кошкай мяўкаў нейкую нуду,\\
То шротам сыпаў барабана –\\
Аж водгулле грымела над ляском...\\
– Hішто сабе. Займальна.\\
Заморскае cxaпіў ты дасканальна.\\
А зараз – заспявай Шпаком!\\
І дзіва –\\
Не толькі варыяцыі і пералівы,\\
Шпак і мелодыю сваю забыў...\\
Тады Арол загаварыў\\
З дакорам:\\
– Якая ганьба! Ну і сорам!\\
Спрадвеку птушкі славяць родны гай,\\
А ты злятаў разок за мора –\\
Дык стаў не Шпак, а Папугай...\\
Запомні, зapyбі сабе на дзюбе:\\
Хоць сто матываў іншых знай,\\
А песняй роднаю, мой любы,\\
Не пагарджай!\\
\\
Скажу на чысціню, як адсяку:\\
Не спадабляйся гэткаму Шпаку!

 


===== Падобныя старонкі =====
  * [[творы/янка-журба/янка-журба-шпак]]
  * [[творы/кастусь-жук/кастусь-жук-шпак-купіў-магнітафон]]
  * [[ibdc.ped>шпак]]
  * [[ibdc.ped>бясхвосты-шпак]]
  * [[творы/генадзь-бураўкін/генадзь-бураўкін-шпак-спявае]]