~~META:
title = Эдуард Валасевіч — Узнагароды
&keywords = казёл, барсук, чалавек
&abstract = Чытаць байку Эдуарда Валасевіча "Узнагароды"
&iftrue = nan
~~

====== Эдуард Валасевіч — Узнагароды ======
У сувязі з адною датай\\
Узнагароджвалі звяроў.\\
Старшынстваваў Казёл, а сакратарстваваў\\
Баран рагаты.\\
Вядома, шмат было прамоў,\\
Параднасці, шуміхі,\\
Каму ўручылі грамату, каму медаль –\\
Усіх успомнілі – ад Пацука і да Ласіхі,\\
Аднаго Вожыка, на жаль,\\
Маўчаннем абышлі ўсе ціха.\\
– Ты што так падкачаў сябрук?–\\
З ухмылкай калупнуў Барсук,–\\
За што такая на цябе апала!..\\
– Ну, не далі,\\
Дык сонца з неба ўпала?\\
Або патоп стварыўся на зямлі?\\
Чаго цябе так гэта ўстурбавала?..\\
– Э не! – Барсук не сунімаўся, –\\
Калі б Мядзведзя ты не падкалоў,\\
Каб прад Зубром, як Ліска, выгінаўся,\\
Тады б табе Казёл медальку прыкалоў,\\
Ты б без увагі не астаўся...\\
Не пніся на ражон! Будзь трохі дыпламатам...\\
І станеш нават лаўрэатам!\\
\\
Цяпер адкінем алегорыі...\\
Трапляюцца на вочы некаторыя:\\
– Перад начальствам рады стаць,\\
Здаецца, на карачкі\\
Дзеля падачкі...\\
Але ж ці можна забываць,\\
Што Чалавек – вянец прыроды!\\
Што Чалавек – гучыць так горда!\\
Давайце годнасць Чалавека паважаць!

 


===== Падобныя старонкі =====
  * [[творы/эдуард-валасевіч/эдуард-валасевіч-кот-і-вожык]]
  * [[творы/эдуард-валасевіч/эдуард-валасевіч-мітрафан-і-дэльтаплан]]
  * [[творы/эдуард-валасевіч/эдуард-валасевіч-сонца-і-певень]]
  * [[творы/эдуард-валасевіч/эдуард-валасевіч-шчупак-і-плотка]]
  * [[творы/эдуард-валасевіч/эдуард-валасевіч-арэх-і-жаба]]