~~META:
title = Эдуард Валасевіч — Сонца і Певень
&keywords = сонейка, певень
&abstract = Чытаць байку Эдуарда Валасевіча "Сонца і Певень"
&iftrue = nan
~~

====== Эдуард Валасевіч — Сонца і Певень ======
Здарылася, што Певень раніцу праспаў.\\
І Пеўня дужа абурыла,\\
Што Сонейка ўзышло над небасхілам.\\
«Як так! Яшчэ каманды я свяцілу не падаў,\\
А ўжо яно ўзнялося над зямлёю?\\
Ды што гэта такое?!»\\
І Певень грозна закрычаў:\\
– Адставіць! Не дазволю!\\
Ого-го-го! – загагатаў Гусак,–\\
Над Сонцам захацеў мець волю?\\
Ну і пацешыў нас, дзівак...\\
Хоць з выгляду ты генерал брыгадны,\\
Ды Сонейка табе не падуладна.\\
\\
Як цемрашалы ні крычаць,\\
А Сонца рух ім не стрымаць!\\
Яно ідзе з Усходу –\\
Нясе святло, жыццё, свабоду!\\
І сілы цёмныя прад ім дрыжаць...

 


===== Падобныя старонкі =====
  * [[ibdc.ped>сонца-не-стаіць-на-месцы]]
  * [[творы/эдзі-агняцвет/эдзі-агняцвет-галоўны-дворнік]]
  * [[ibdc.ped>гімн-жыццю]]
  * [[творы/васіль-вітка/васіль-вітка-хто-памагае-сонцу]]
  * [[творы/якуб-колас/якуб-колас-усход-сонца]]