~~META:
title = Эдуард Валасевіч — Мітрафан і дэльтаплан
&keywords = мітрафан, апарат, паветра, дэльтаплан
&abstract = Чытаць байку Эдуарда Валасевіча "Мітрафан і дэльтаплан"
&iftrue = nan
~~

====== Эдуард Валасевіч — Мітрафан і дэльтаплан ======
Вучыўся Мітрафан у школе слабавата,\\
ахвотней шайбу клюшкаю ганяў\\
і меркаваў,\\
што калі сілу мець і бегаць зухавата,\\
дык не патрэбны матэматыка і фізіка яму...\\
І вось аднойчы гэты баламут\\
надумаў спортам найсучаснейшым заняцца –\\
асвоіць дэльтаплан!\\
Пачаў старанна завіхацца\\
Мітрафан:\\
з арэшыны змастырыў раму\\
і, не спытаўшыся дазволу мамы,\\
спадніцу на шматы ён распароў,\\
прыладзіў на каркас, пятлю зрабіў пад пахі –\\
і дэльтаплан гатоў!\\
З тым апаратам хлопец высіцца над дахам,\\
хвілінку павагаўся. Дзьмухнуў вецярок,\\
Ён адштурхнуўся і ў паветра – скок!\\
Ну, думаў, паляціць імклівым птахам!\\
Ды апарат яго падвёў парадкам –\\
ён камянюкай гахнуўся ў сумёт.\\
Бо ў разліках быў слабаком «пілот»,\\
таму балючай атрымалася пасадка...\\
\\
Каб у паветра птушкай узляцець,\\
кантакт з навукай трэба мець.

 


===== Падобныя старонкі =====
  * [[творы/эдуард-валасевіч/эдуард-валасевіч-сама]]
  * [[творы/эдуард-валасевіч/эдуард-валасевіч-шчупак-і-плотка]]
  * [[творы/эдуард-валасевіч/эдуард-валасевіч-арэх-і-жаба]]
  * [[творы/эдуард-валасевіч/эдуард-валасевіч-сонца-і-певень]]
  * [[творы/эдуард-валасевіч/эдуард-валасевіч-кот-і-вожык]]