~~META:
title = Эдуард Валасевіч — Конь і Пень
&keywords = конь, дзень, пляшывы, пень
&abstract = Чытаць байку Эдуарда Валасевіча "Конь і Пень"
&iftrue = nan
~~

====== Эдуард Валасевіч — Конь і Пень ======
Убачыўшы, як з возам Конь кульнуўся,\\
Пляшывы Пень зарагатаў:\\
– Га-га-га-га! На чатырох капыллях не ўстаяў...\\
Як аб зямлю ты мордай разануўся!\\
Не Конь, а недарэка...\\
Вось я жыву амаль паўвека,\\
Але ні разу, бач, не спатыкнуўся.\\
– Ды што ты мне, Пяньчук, бурчыш?\\
Як спатыкнешся ты, калі ў зямлі тырчыш...\\
Але якая ад цябе выгода?\\
\\
Так іншы копціць неба дзень у дзень –\\
І ні карысці ад яго, ні шкоды,\\
Не памыляецца, чысцюткі ён заўсёды,\\
Ну, не раўнуючы, – пляшывы пень...

 


===== Падобныя старонкі =====
  * [[творы/максім-танк/максім-танк-конь-і-леў]]
  * [[творы/уладзімір-дубоўка/уладзімір-дубоўка-ганарысты-конь]]
  * [[творы/янка-сіпакоў/янка-сіпакоў-конь]]
  * [[творы/кандрат-крапіва/кандрат-крапіва-саманадзейны-конь]]
  * [[ibdc.ped>лясная-табурэтка]]