~~META:
title = Эдуард Валасевіч — Залатая рыбка
&keywords = загадчык, дзед, рыбка
&abstract = Чытаць байку Эдуарда Валасевіча "Залатая рыбка"
&iftrue = nan
~~

====== Эдуард Валасевіч — Залатая рыбка ======
На беразе рачулкі, а не мора\\
Узняўся гмах пад шыльдай «Рыбкантора»...\\
Пацела тут нямала малайцоў –\\
З дзесятак радавых пісцоў\\
І машыністак столькі ж стракатала,\\
Ну, а вышэй начальства засядала:\\
Загадчык па засолцы селядцоў,\\
Загадчык па здабычы мух і іншае прынады,\\
Загадчык па рамонту рыбалоўнае прылады,\\
Загадчык планавання лову,\\
Загадчык перспектывы клёву.\\
Дзядзькі, як на падбор!\\
І ўрэшце, нібы недарэчы,\\
Сухенькі, сівы, вузкаплечы\\
Рыбак дзед Міканор...\\
Рыпелі пёркі ды хадзілі ручкі\\
У дні авансаў і палучкі.\\
Па рангу кожны меў і прагрэсіўку, і аклад\\
Дзед задаволен, рад і апарат!\\
Трымаў дзед вуду ды насмоктваў піпку,\\
Цягаў з вады малую рыбку.\\
І рыбку не абы-якую –\\
Залатую!\\
\\
Мне скажуць: казачка старая!\\
На жаль, жыве, не памірае...

 


===== Падобныя старонкі =====
  * [[творы/эдуард-валасевіч/эдуард-валасевіч-арэх-і-жаба]]
  * [[творы/адам-міцкевіч/адам-міцкевіч-рыбка]]
  * [[творы/эдуард-валасевіч/эдуард-валасевіч-шчупак-і-плотка]]
  * [[творы/эдуард-валасевіч/эдуард-валасевіч-мітрафан-і-дэльтаплан]]
  * [[ibdc.ped>тры-жаданні]]