~~META:
title = Эдуард Валасевіч — Глушэц і Верабей
&keywords = глушэц, прыйшла
&abstract = Чытаць байку Эдуарда Валасевіча "Глушэц і Верабей"
&iftrue = nan
~~

====== Эдуард Валасевіч — Глушэц і Верабей ======
Няшчасце здарылася ў Вераб’я...\\
Ён да Глушца з бядою:\\
– Дапамажы! Ты, кажуць, птах з душою...\\
Век буду ўдзячны я!\\
Гняздо маё.\\
Растрэсла навальніца,\\
І з дзеткамі мне недзе прытуліцца, –\\
Чырыкаў Верабей пра горачка сваё.\\
Ну, а Глушэц ківаў маўкліва дзюбай,\\
Маўляў: «Спакойны будзь, падсобім, любы!»\\
Прыйшла,\\
І адышла,\\
І зноў прыйшла вясна,\\
А ад Глушца – ні слыху\\
І ні дыху!\\
І што чакаць? Глухі ён, бы сцяна.\\
\\
Скажу вам – абы ціха, –\\
Надоечы хадзіў у гарсавет,\\
З натуры змаляваў Глушца партрэт.

 


===== Падобныя старонкі =====
  * [[творы/уладзімір-ягоўдзік/уладзімір-ягоўдзік-два-браты-вераб-і]]
  * [[ibdc.ped>уладзімір-караткевіч]]
  * [[творы/ніл-гілевіч/ніл-гілевіч-верабей]]
  * [[ibdc.ped>глушэц-такуе]]
  * [[творы/казімір-камейша/казімір-камейша-верабей]]