~~META:
title = Эдуард Валасевіч — Гарлапан
&keywords = язык, перон, таварышы, задача
&abstract = Чытаць байку Эдуарда Валасевіча "Гарлапан"
&iftrue = nan
~~

====== Эдуард Валасевіч — Гарлапан ======
Студэнты ехалі на цаліну...\\
Уборка ураджаю – важная задача!\\
І ў сэрцах маладых, гарачых\\
Задачу гэту ясную, адну,\\
Якую вырашыць было ім трэба,\\
Яны ў далёкі везлі край,\\
Каб там сабраць багаты ўраджай.\\
Ды раптам... на пероне, быццам з неба,\\
Прамоўца аб’явіўся\\
І так замалаціў – аж пот цурком наліўся:\\
– Таварышы! У гэты урачысты момант\\
Мы... Вы... Сядзець не можам дома.\\
Збяром, таварышы, да каліва дабро!\\
Ото уклад наш, ваш у велічны падмурак.\\
І хоць у валасах маіх свіціцца серабро,\\
Я з вамі б з радасцю падаўся да Амура,\\
Але... кхе-кхе... я нездароў...\\
– А сын дзе ваш, што вучыцца у нас? –\\
Хтось выгукнуў з хлапцоў.\\
– Сынок? Турыстам едзе на Каўказ...\\
І ўраз\\
Асекся, супыніўся,\\
Як прывід, ён з перона змыўся,\\
Нібы карова языком злізала.\\
\\
Хоць гарлапанаў гэткіх мала,\\
Якія сеюць ды малоцяць толькі языком.\\
Ды ёсць, каб на іх гром!

 


===== Падобныя старонкі =====
  * [[творы/эдуард-валасевіч/эдуард-валасевіч-сонца-і-певень]]
  * [[творы/эдуард-валасевіч/эдуард-валасевіч-кот-і-вожык]]
  * [[творы/эдуард-валасевіч/эдуард-валасевіч-арэх-і-жаба]]
  * [[творы/эдуард-валасевіч/эдуард-валасевіч-шчупак-і-плотка]]
  * [[творы/эдуард-валасевіч/эдуард-валасевіч-мітрафан-і-дэльтаплан]]