~~META:
title = Эдуард Валасевіч — Вятрак і Гусак
&keywords = гусак
&abstract = Чытаць байку Эдуарда Валасевіча "Вятрак і Гусак"
&iftrue = nan
~~

====== Эдуард Валасевіч — Вятрак і Гусак ======
– Я не зайздрошчу твайму лёсу, небарак, –\\
Звярнуўся к Ветраку з ухмылкаю Гусак, –\\
Махаеш крыламі і тужышся, скрыпіш,\\
А ў неба не ляціш...\\
А я, калі ні захачу, –\\
Бягу, плыву, лячу,\\
Шыплю,\\
Шчыплю\\
І гагачу!\\
Я ад прыроды надта здатны!\\
Ну глянь – які Гусак выдатны!\\
– Ды адкасніся! Слухаць не хачу! –\\
Махнуў крылом Вятрак на Гусака, –\\
І не тапчыся тут каля мяшка...\\
Сам бачыш – я заняты:\\
Вось жорны важкія кручу,\\
Мялю дзень збожжа,\\
А ноччу і дынаму ў рух прыводжу,\\
Даю святло калгасным хатам.\\
Без крыку людзям я дабро раблю,\\
Бо край свой сонечны люблю,\\
А ты хоць лётаеш, а да Арла – куды табе, Гусак! –\\
Такі ж з цябе плывец,\\
Хадок, спявак...\\
\\
Скажу я пад канец:\\
Вось сустракаеш часам гусакоў,\\
Што кпяць нахабна з ветракоў\\
І выдаюць сябе за майстраў

на ўсе рукі –

Ад іх чакай паклёпу ці дакукі...

 


===== Падобныя старонкі =====
  * [[творы/анатоль-грачанікаў/анатоль-грачанікаў-гусак-і-певень]]
  * [[творы/эдуард-валасевіч/эдуард-валасевіч-мітрафан-і-дэльтаплан]]
  * [[творы/эдуард-валасевіч/эдуард-валасевіч-арэх-і-жаба]]
  * [[творы/эдуард-валасевіч/эдуард-валасевіч-шчупак-і-плотка]]
  * [[творы/рыгор-барадулін/рыгор-барадулін-вятрак]]