~~META:
title = Эдуард Валасевіч — Бульдозер і Валун
&keywords = валун, грунтавой, машын, дарозе
&abstract = Чытаць байку Эдуарда Валасевіча "Бульдозер і Валун"
&iftrue = nan
~~

====== Эдуард Валасевіч — Бульдозер і Валун ======
На грунтавой дарозе колькі год\\
Ляжаў Валун, прыносячы нямала перашкод.\\
Як ён папаў туды – ці варта разбірацца?..\\
Паспеў ён мохам абрасці,\\
Перашкаджаў і ехаць, і ісці,\\
А да таго ж пачаў і зазнавацца:\\
– Дзе валуны вы бачылі такія?\\
Са мною лічацца! Мяне баяцца...\\
Перада мной павінны прыпыняцца\\
Не толькі жвавыя машыны легкавыя,\\
А нават грузавыя!..\\
...У гэты час па грунтавой дарозе,\\
Ракочучы, ішоў Бульдозер\\
І той Валун спіхнуў з дарогі пад адхон,\\
Каб шлях быў для машын, каб быў разгон!\\
\\
Усё, што стрымлівае наш наперад крок,\\
Адкінем, як валун, убок!

 


===== Падобныя старонкі =====
  * [[творы/эдуард-валасевіч/эдуард-валасевіч-арэх-і-жаба]]
  * [[ibdc.ped>аб-чым-маўчаць-камяні]]
  * [[творы/эдуард-валасевіч/эдуард-валасевіч-мітрафан-і-дэльтаплан]]
  * [[творы/анатоль-бутэвіч/анатоль-бутэвіч-музей-валуноў]]
  * [[ibdc.ped>следавікі]]