~~META:
title = Эдуард Валасевіч — Аазіс і Караван
&keywords = наперад
&abstract = Чытаць байку Эдуарда Валасевіча "Аазіс і Караван"
&iftrue = nan
~~

====== Эдуард Валасевіч — Аазіс і Караван ======
Ішоў здалёку Караван...\\
Цераз саланчакі, цераз сыпучыя барханы,\\
То ціхім быў пясчаны акіян,\\
То ён шалеў, як апантаны!\\
Сляпіла вочы, засцілала шлях\\
І з ног збівала лютая віхура,\\
І дыхалі агнём і неба і зямля –\\
Ажно смыліла скура.\\
А людзі йшлі стыхіі насупор\\
І дзень і ноч да запаветнай мэты\\
Па сонцы і па бляску зор\\
Бясконцаю дарогай гэтай...\\
Амаль без харчу, без глытка вады,\\
Адной ідэяй дужыя і верай,\\
Не прыпыняючы хады –\\
Усё наперад і наперад!\\
І да Аазіса дайшлі.\\
\\
Калі ідэя сэрца акрыліла,\\
Яна зрабілася непераможнай сілай\\
І усталюе мір і шчасце на зямлі!

 


===== Падобныя старонкі =====
  * [[творы/эдуард-валасевіч/эдуард-валасевіч-мітрафан-і-дэльтаплан]]
  * [[творы/эдуард-валасевіч/эдуард-валасевіч-шчупак-і-плотка]]
  * [[творы/эдуард-валасевіч/эдуард-валасевіч-сонца-і-певень]]
  * [[творы/эдуард-валасевіч/эдуард-валасевіч-кот-і-вожык]]
  * [[творы/эдуард-валасевіч/эдуард-валасевіч-арэх-і-жаба]]