~~META:
title = Эдуард Акулін — Ронда
&keywords = ганчар
&abstract = Чытаць верш "Ронда" Эдуарда Акуліна
&iftrue = nan
~~

====== Эдуард Акулін — Ронда ======
Да рук гарачых ліпне гліна,\\
здаецца, пальцы сочаць кроў...\\
А ён нагою зноў і зноў\\
ганяе ўвішны круг няўпынна.\\
І вырастае прыгажосць\\
у таямніцы рухаў-чараў,\\
нібы вяртае маладосць\\
майстэрства боскага ўладар –\\
Ганчар.\\
Напэўна, так калісьці Творца\\
на адзіноце сярод хмар,\\
натхнёны духам сваёй моцы,\\
ствараў Адама – сына мар,\\
не склаўшы рук да самай ночы,\\
як той Ганчар.

 


===== Падобныя старонкі =====
  * [[творы/алесь-салавей/алесь-салавей-рандо]]
  * [[творы/казімір-камейша/казімір-камейша-ганчары]]
  * [[слоўнік/рандо]]
  * [[творы/міхась-кавыль/міхась-кавыль-рандо]]
  * [[ibdc.ped>шчаслівая-раніца]]