~~META:
title = Эдуард Акулін — Канцона
&keywords = верасень, восені, сусвет
&abstract = Чытаць "Канцону" Эдуарда Акуліна
&iftrue = nan
~~

====== Эдуард Акулін — Канцона ======
Там, дзе ранеты на золку\\
свой пачынаюць «дэсант»,\\
росніцай Верасень золка\\
мерае крокамі сад.\\
Ціха ступае, няспешліва\\
паміж падпорак з арэшніку.\\
\\
Падаюць сонцы асеннія,\\
яснасцю поўнячы след,\\
мудрасцю добрага Генія\\
падаюць проста ў Сусвет.\\
Без шкадавання і роспачы,\\
адтэрміноўкі не просячы.\\
\\
Як бы хацеў навучыцца я\\
мудрасці іхняй спрадвечнае,\\
промнямі год асвяціць сваіх\\
пройдзены шлях перад Вечнасцю...\\
Літасці ў лета не просячы,\\
рушыць у сад сваёй Восені.

 


===== Падобныя старонкі =====
  * [[творы/эдуард-акулін/эдуард-акулін-журавіны-бяруць-жанчыны]]
  * [[слоўнік/канцона]]
  * [[творы/эдуард-акулін/эдуард-акулін-прыйдзе-час-і-яна-міне]]
  * [[творы/рыгор-крушына/рыгор-крушына-канцона]]
  * [[творы/эдуард-акулін/творчасць-эдуарда-акуліна]]