~~META:
title = Эдуард Акулін — Жыве Беларусь!
&keywords = Акулін, жыве, Беларусь
&abstract = Чытаць верш Эдуарда Акуліна "Жыве Беларусь!"
&iftrue = nan
~~

====== Эдуард Акулін — Жыве Беларусь! ======
//Братам па пяру і крыві ахвярую//

\\
Насуперак грозным тыранам,\\
насуперак Злу і Мане\\
жывем не ў балотным тумане,\\
жывем не ў сляпым табуне...\\
\\
Жывем, як Купала і Колас\\
калісь загадалі нам жыць...\\
Жывем без аглядкі на голас,\\
што зранку да ночы сіпіць:\\
\\
— Прадайце Радзіму і Мову,\\
аддайце на здзек прыбышу\\
і Бога, і роднае Слова...\\
Прадайце святую Душу...\\
\\
Я — бог, бо я ўладу вяршу!..\\
\\
I нехта з нашчадкаў Іуды,\\
хто страхам і здрадаю жыў,\\
спаймаўся на д'яблаву вуду,\\
душу у ламбард залажыў,\\
\\
не згледзеўшы нават, што цэннік\\
ад часу Пілата ўсё той —\\
трыццатнік — за брата, хоць геній,\\
хоць зеўрае лоб пустатой...\\
\\
Ды, дзякаваць Богу, ёсць Людзі,\\
якіх не прадаць, не купіць,\\
чый Дух не скарыўся аблудзе,\\
каго — ні разбіць, ні спыніць!\\
\\
Дык станем, браты мае й сёстры,\\
у шчыры і шчыльны хаўрус\\
і так, як Малітву, — узнёсла\\
прамовім: — Жыве Беларусь!\\
\\
//22 кастрычніка 2006 г.//

 


===== Падобныя старонкі =====
  * [[творы/ян-баршчэўскі/ян-баршчэўскі-шляхціц-завальня-або-белар]]
  * [[творы/іншае/сучасная-літаратура-беларусі/сучасная-паэзія-беларусі]]
  * [[творы/іншае/сучасная-літаратура-беларусі/сучасная-літаратура-беларусі]]
  * [[творы/іншае/сучасная-літаратура-беларусі/сучасная-проза-беларусі]]
  * [[творы/ян-баршчэўскі/ян-баршчэўскі-шляхціц-завальня-або-белар-75]]