~~META:
title = Эдуард Акулін — Жанчына
&keywords = Акулін, жанчына
&abstract = Чытаць верш "Жанчына" Эдуарда Акуліна
&iftrue = nan
~~

====== Эдуард Акулін — Жанчына ======
Жанчына — сасуд без дна...\\
Дакладней — Сусвет сусветаў.\\
Сам Бог у яго віна\\
наліў, каб натхняць паэтаў.\\
\\
Заблудзяцца ночы ў днях\\
у пошуках апахмелкі...\\
Жанчына — сасуд без дна\\
для тых, хто душой нямелкі.\\
\\
Камусьці — фрагмент рабра,\\
узноўлены клон Адама...\\
А мне — акіян святла —\\
Каханая, Муза, Мама.

 


===== Падобныя старонкі =====
  * [[творы/віктар-карамазаў/віктар-карамазаў-жанчына-ў-чорным-і-афга]]
  * [[творы/сяргей-грахоўскі/сяргей-грахоўскі-плача-жанчына]]
  * [[творы/анатоль-вярцінскі/анатоль-вярцінскі-жаночая-гордасць]]
  * [[творы/янка-сіпакоў/янка-сіпакоў-жанчына]]
  * [[творы/генадзь-бураўкін/генадзь-бураўкін-жанчын-прыгожых-трэба-б]]