~~META:
title = Эдуард Акулін — Газэля
&keywords = каханая
&abstract = Чытаць "Газэлю" Эдуарда Акуліна
&iftrue = nan
~~

====== Эдуард Акулін — Газэля ======
Галінка бэзу, траўнем надламаная,\\
мая Каханая.\\
Ты лёсам мне, на пэўна, звыш наканаваная,\\
мая Каханая.\\
Дзе б я ні быў, вяртаюся хутчэй туды,

дзе мне павек адданая,

мая Каханая.\\
У слоту лістападаўскіх начэй са мной яна

і восень не падманная,

мая Каханая.\\
Над безданню даверлівых вачэй

мая маркота ў белы строй прыбраная,

мая Каханая.\\
І рэха вечаровае званчэй, калі шапчу

да зорак апантана я –

мая Каханая!\\
І смехам тваім поўніцца ручэй,

як ад мяне за далеч ты схаваная,

мая Каханая.\\
Лісцёвы водсвет ззяе залацей пад раніцу,

што разам прычаканая,

мая Каханая.\\
І сэрца спеліць кволую надзею –

па-за жыццём чужым табе не стану я,

мая Каханая.

 


===== Падобныя старонкі =====
  * [[творы/язэп-пушча/язэп-пушча-яшчэ-ў-юнацкія-гады]]
  * [[творы/янка-журба/янка-журба-каханне]]
  * [[творы/анатоль-грачанікаў/анатоль-грачанікаў-свяці-кахання-чыстая-]]
  * [[творы/рыгор-крушына/рыгор-крушына-твае-вочы]]
  * [[творы/эдуард-акулін/эдуард-акулін-трыялет]]