~~META:
title = Эдуард Акулін — Акварэль
&keywords = жоўты, плед
&abstract = Чытаць "Акварэль" Эдуарда Акуліна
&iftrue = nan
~~

====== Эдуард Акулін — Акварэль ======
Руды сітнік. Сіні глей.\\
Сонца, нібы язь паджары.\\
Зелень раскі. Бель лілей.\\
Блякла-шэры колер хмары.\\
\\
Восень, нібы лагапед,\\
вымаўленню вучыць ветра...\\
Топчуць лісцяў жоўты плед\\
качкі у чырвоных гетрах.\\
\\


Крыніца: Акулін Эдуард. Крыло анёла. Вершы, акрапаэмы, – Мінск: Мастацкая літаратура, 1995. – 174 с.

 


===== Падобныя старонкі =====
  * [[творы/эдуард-акулін/эдуард-акулін-прыйдзе-час-і-яна-міне]]
  * [[творы/эдуард-акулін/эдуард-акулін-жонцы]]
  * [[творы/эдуард-акулін/творчасць-эдуарда-акуліна]]
  * [[творы/эдуард-акулін/эдуард-акулін-журавіны-бяруць-жанчыны]]
  * [[творы/эдуард-акулін/эдуард-акулін-трыялет]]