~~META:
title = Эдзі Агняцвет — Я добрую кнігу...
&keywords = людзей, добрую, асвятляе, зямлю, кнігу, люблю, цуда
&abstract = Чытаць верш Эдзі Агняцвет "Я добрую кнігу..."
&iftrue = nan
~~

====== Эдзі Агняцвет — Я добрую кнігу... ======
Я добрую кнігу\\
Як цуда люблю.\\
Яна асвятляе\\
Людзей і зямлю.\\
\\
На кожнай старонцы\\
Адкрыю сакрэт.\\
Там ветразь пад сонцам,\\
Таемны сусвет.\\
\\
З табою, кніга добрая,\\
Прыйшлі ў новы век.\\
Ты мудрая і шчодрая,\\
Як добры чалавек.\\
\\
З табой пачынае\\
Дарогу герой,\\
Ён прагна чытае,\\
Сябруе з табой.\\
\\
Душою прыгожы\\
Расце будаўнік –\\
I жыць ён не можа\\
Без песень і кніг.\\
\\
Я добрую кнігу,\\
Як цуда люблю.\\
Яна асвятляе\\
Людзей і зямлю!

 


===== Падобныя старонкі =====
  * [[ibdc.ped>па-матывах-твора]]
  * [[ibdc.ped>мініяцюрная-кніга]]
  * [[ibdc.ped>кніга-на-беларусі]]
  * [[ibdc.ped>кнігі-дапамагаюць-падарожнічаць]]
  * [[творы/іван-шамякін/іван-шамякін-кнігі]]