~~META:
title = Эдзі Агняцвет — Яліна
&keywords = яліна
&abstract = Верш Эдзі Агняцвет "Яліна"
&iftrue = nan
~~

====== Эдзі Агняцвет — Яліна ======
Яна панураю здаецца:\\
Іголак колкіх не крані!\\
Але яліна мае сэрца,\\
Дзе ёсць агеньчык дабрыні.\\
\\
На верхавіне чыжаняты\\
Глядзяць на неба з цёплай хаты\\
І сталі ўжо на край гнязда –\\
Паслухаць пеўчага дразда.\\
\\
І ўжо спрабуюць голас самі,\\
Бацькі ім падарылі слых.\\
Шкада, не стануць салаўямі!\\
Яліна ж цешыцца з малых.\\
\\
І на руках ёй гушкаць люба\\
Рухавых дзетак крыжадзюба.\\
Як промнік, асвятляе змрок\\
Жоўтагаловы каралёк.\\
\\
А вось на спеўку прыляцелі:\\
Рабіннік з ліставых лясоў,\\
Заранка рассыпае трэлі,\\
Шыруе чарада шчыглоў.\\
\\
Такога не пачуць увосень!\\
Мне выдаў месяц май білет –\\
На золку чую шматгалоссе,\\
Канцэрт на ўвесь зялёны свет!

 


===== Падобныя старонкі =====
  * [[ibdc.ped>птушкі-шчасця]]
  * [[творы/янка-брыль/птушкі-i-гнёзды-сцюдзёны-вырай-аповесць-]]
  * [[творы/янка-брыль/раман-янкі-брыля-птушкі-і-гнёзды-вобраз-]]
  * [[творы/янка-брыль/птушкі-i-гнёзды-гнёзды-за-дымам-аповесць]]
  * [[творы/янка-брыль/увесь-свет-адзін-дом-па-раману-янкі-брыл]]