~~META:
title = Эдзі Агняцвет — Чаму ў трывозе Дзед Мароз?
&keywords = лапак, елкі, бушавалі, улетку
&abstract = Чытаць верш Эдзі Агняцвет "Чаму ў трывозе Дзед Мароз?"
&iftrue = nan
~~

====== Эдзі Агняцвет — Чаму ў трывозе Дзед Мароз? ======
Закружыўся верталёт\\
Над узлескам, над палянай.\\
Прызямліўся Дзед-пілот,\\
На паляну з жахам глянуў.\\
\\
– Як змяніўся гэты бор!\\
Быў ён весні, чысты, звонкі.\\
Ад сініц сінеў прастор,\\
I свяціліся сасонкі.\\
\\
I на Поўначы я сніў,\\
Як скакала тут вавёрка,\\
Дзяцел шышкі ёй насіў\\
На вячэру адвячоркам.\\
\\
Я да вас вярнуўся зноў\\
З першым інеем, з парошай.\\
Толькі знаку не знайшоў\\
Ад мясціны той прыгожай...\\
\\
Пазірае Дзед Мароз\\
З-пад заснежанай вушанкі:\\
– Не паляна – смецця воз!\\
Тут абноскі, там бляшанкі.\\
\\
I якія дзікуны\\
Тут улетку бушавалі?\\
Лапак елкі і сасны\\
Для кастроў не шкадавалі...\\
\\
Я ж хачу, каб на зямлі\\
Нават самыя малыя\\
Шанавалі, бераглі\\
Нашы радасці лясныя.\\
\\
Не чапалі мурашоў,\\
Будавалі дом шпачыны,\\
Каб любілі край бацькоў,\\
Кожны кут сваёй Айчыны!

 


===== Падобныя старонкі =====
  * [[ibdc.ped>прывакзальная-плошча]]
  * [[творы/янка-купала/янка-купала-мароз]]
  * [[ibdc.ped>аер]]
  * [[творы/васіль-жуковіч/васіль-жуковіч-мароз]]
  * [[творы/цішка-гартны/цішка-гартны-зімовы-вечар]]