~~META:
title = Эдзі Агняцвет — Ціхі вечар
&keywords = лялька, спаць, фартушок, зайка, сон
&abstract = Чытаць верш Эдзі Агняцвет "Ціхі вечар"
&iftrue = nan
~~

====== Эдзі Агняцвет — Ціхі вечар ======
Ходзіць сон у цёплых ботах –\\
Светла-сіні, залаты.\\
Апускаецца дрымота,\\
Засынай хутчэй і ты!\\
Спі, Галінка!\\
\\
А дачка адкрыла вочы,\\
Засынаць яна не хоча:\\
– Я не маю часу спаць,\\
Трэба ляльку калыхаць.\\
\\
Той, хто спіць, –

расце здаровы

Лялька, ляж на правы бок!\\
Я ж табе пашыю новы,\\
Паркалёвы фартушок.\\
Стужкі з крамы прынясу я,\\
Акуратна адпрасую.\\
Люлі, лялька!\\
\\
Ды не хоча лялька спаць,\\
Стала зайку калыхаць:\\
– Ходзіць сон у цёплых ботах\\
Спі, мой зайка, люлі-лю!\\
Рукавічкі для работы\\
Я табе, малы, зраблю.\\
I не змогуць застудзіцца\\
Лапкі ў белых рукавіцах.\\
Спі, мой зайка!\\
\\
Кожны мае тут нагрузку:\\
Мама шые Галі блузку,\\
Галя – ляльцы фартушок,\\
Лялька вяжа рукавіцы.\\
I нікому тут не спіцца,\\
Хай сабе гусцее змрок!\\
\\
Сон ступае сам не свой,\\
Ён ківае галавой:\\
– Неспакойныя часіны!\\
Клапатлівыя жанчыны!

 


===== Падобныя старонкі =====
  * [[творы/эдзі-агняцвет/эдзі-агняцвет-зямля-з-блакітнымі-вачамі]]
  * [[творы/эдзі-агняцвет/эдзі-агняцвет-маме]]
  * [[творы/эдзі-агняцвет/эдзі-агняцвет-саўка-за-сталом]]
  * [[постаці/эдзі-агняцвет]]
  * [[творы/эдзі-агняцвет/эдзі-агняцвет-хто-пачынае-дзень]]