~~META:
title = Эдзі Агняцвет — Хто пачынае дзень?
&keywords = спытайся, чалавек
&abstract = Чытаць верш Эдзі Агняцвет "Хто пачынае дзень?"
&iftrue = nan
~~

====== Эдзі Агняцвет — Хто пачынае дзень? ======
Раней за ўсіх устаў шафёр,\\
пабег да гаража.\\
Не любіць соннай цішыні,\\
гарачая душа!\\
\\
Ён – неспакойны чалавек –\\
хацеў бы сто гадоў\\
цагліны цёплыя вазіць\\
для новых гарадоў.\\
\\
Устане рана хлебапёк,\\
адчуе смачны пах,\\
і пойдзе жытні свежы хлеб\\
з румянцам на шчаках.\\
\\
Па-свойму радуе маляр\\
прыроду і людзей:\\
прыносіць колеры вясны\\
вясёлы чарадзей.\\
\\
Спытайся ў сонца і зямлі,\\
спытайся ў чыстых рэк:\\
– Хто пачынае новы дзень?\\
– Рабочы чалавек!

 


===== Падобныя старонкі =====
  * [[творы/эдзі-агняцвет/эдзі-агняцвет-зямля-з-блакітнымі-вачамі]]
  * [[постаці/эдзі-агняцвет]]
  * [[творы/эдзі-агняцвет/эдзі-агняцвет-ціхі-вечар]]
  * [[творы/эдзі-агняцвет/эдзі-агняцвет-саўка-за-сталом]]
  * [[творы/эдзі-агняцвет/эдзі-агняцвет-маме]]