~~META:
title = Эдзі Агняцвет — Хлеб
&keywords = жыта
&abstract = Чытаць верш Эдзі Агняцвет "Хлеб"
&iftrue = nan
~~

====== Эдзі Агняцвет — Хлеб ======
Жыта-жыта, жоўтае калоссе!\\
Навакол бурштынавы разліў.\\
За гарачым жніўнем прыйдзе восень –\\
Гаспадыня хмар, садоў і ніў.\\
\\
І красою фарбаў разнастайных\\
Разгарацца шумныя лясы.\\
А пакуль плывуць-плывуць камбайны,\\
Падаюць са звонам каласы.\\
\\
Жыта-жыта! Доўгая дарога –\\
Ад зярнят, рассыпістых, малых,\\
Да буханкі хлеба аржанога,\\
Да акрайца у руках тваіх.

 


===== Падобныя старонкі =====
  * [[ibdc.ped>вытаптаны-хлеб]]
  * [[ibdc.ped>хлеб]]
  * [[ibdc.ped>хлеб-3612]]
  * [[творы/янка-брыль/янка-брыль-сірочы-хлеб]]
  * [[ibdc.ped>хлеб-для-партызанаў]]