~~META:
title = Эдзі Агняцвет — Твая настаўніца
&keywords = першы, настаўніца
&abstract = Верш Эдзі Агняцвет "Твая настаўніца"
&iftrue = nan
~~

====== Эдзі Агняцвет — Твая настаўніца ======
Яна – твой першы капітан,\\
у жыццё ты з ёю адплываеш:\\
то рэчку Сож, то акіян\\
ты з ёю адкрываеш.\\
\\
А лічбы пад яе рукой –\\
разумныя, жывыя!\\
Яны становяцца ў строй,\\
нібыта вартавыя…\\
\\
Яна – твой казачнік, паэт,\\
і ты, як быццам першы,\\
уваходзіш у прасторны свет\\
былін, паэм і вершаў.\\
\\
І любіш ты, як ён, як я,\\
жанчыну ў строгім плацці.\\
Яна – настаўніца твая,\\
твая другая маці.

 


===== Падобныя старонкі =====
  * [[творы/сяргей-грахоўскі/сяргей-грахоўскі-першая-настаўніца]]
  * [[творы/васіль-вітка/васіль-вітка-свята-настаўніцы]]
  * [[творы/васіль-жуковіч/васіль-жуковіч-першая-настаўніца]]
  * [[ibdc.ped>свята-настаўніцы]]
  * [[ibdc.ped>пах-грыбоў]]