~~META:
title = Эдзі Агняцвет — Табе жадаю
&keywords = дружа
&abstract = Верш Эдзі Агняцвет "Табе жадаю"
&iftrue = nan
~~

====== Эдзі Агняцвет — Табе жадаю ======
Яшчэ вясна адпачывае,\\
пад снегам дрэмле крыгаход.\\
Святло па хвілях прыбывае –\\
прыйшоў на працу Новы год.\\
\\
Адкрыў ён звонкае надвор’е,\\
прасторы – лыжам і канькам,\\
усё – на добрае здароўе\\
дзяўчынкам нашым, хлапчукам.\\
\\
Расці і радуй, дружа мілы,\\
бацькоў, настаўнікаў, сяброў.\\
Жадаю розуму і сілы\\
табе для будучых гадоў!\\
\\
Любі аддана, шчодра, шчыра\\
зямлю, дзе прадзеды жылі.\\
Будзь чалавекам дружбы, міру\\
для ўсіх куткоў, краёў зямлі!..

 


===== Падобныя старонкі =====
  * [[творы/эдзі-агняцвет/эдзі-агняцвет-маме]]
  * [[творы/эдзі-агняцвет/эдзі-агняцвет-ціхі-вечар]]
  * [[творы/эдзі-агняцвет/эдзі-агняцвет-зямля-з-блакітнымі-вачамі]]
  * [[творы/эдзі-агняцвет/эдзі-агняцвет-саўка-за-сталом]]
  * [[постаці/эдзі-агняцвет]]