~~META:
title = Эдзі Агняцвет — Свята кнігі
&keywords = словы
&abstract = Чытаць верш Эдзі Агняцвет "Свята кнігі"
&iftrue = nan
~~

====== Эдзі Агняцвет — Свята кнігі ======
Паплылі на рэках крыгі\\
З дзіўным гулам, сінім бляскам.\\
І прыходзіць свята кнігі,\\
Дзе прасторна вершам, казкам.\\
\\
Дзе любімыя героі –\\
На малюнках, як жывыя\\
Словы матчыны з табою –\\
Лугавыя і лясныя.\\
\\
Кніга! Нам прыносяць словы\\
Праўду, вернасць і адвагу,\\
І зялёны свет дубровы,\\
І чырвоны колер сцягу.\\
\\
Колькі фарбаў захавана\\
Ў чорных літарах чароўных?\\
Колькі ёсць вышынь нязнаных\\
У радках – сцяжынках роўных?\\
\\
Пройдзе Тыдзень наш вясновы,\\
Будзеш ты расці і, з часам\\
Разгадаеш сілу слова\\
З роднай кнігаю сам-насам.\\
\\
І таксама будуць святы\\
У кутку зацішнай хаты:\\
І прыгоды Дон-Кіхота,\\
І касмічныя палёты!

 


===== Падобныя старонкі =====
  * [[ibdc.ped>кнігі-дапамагаюць-падарожнічаць]]
  * [[ibdc.ped>кніга-на-беларусі]]
  * [[ibdc.ped>мініяцюрная-кніга]]
  * [[ibdc.ped>па-матывах-твора]]
  * [[творы/іван-шамякін/іван-шамякін-кнігі]]