~~META:
title = Эдзі Агняцвет — Саўка за сталом
&keywords = ляжаць, відэлец, лыжкі, Саўка
&abstract = Чытаць верш Эдзі Агняцвет "Саўка за сталом"
&iftrue = nan
~~

====== Эдзі Агняцвет — Саўка за сталом ======
Ляжаць ля талеркі відэлец і нож.\\
Дзве чыстыя лыжкі ляжаць.\\
– Ну і што ж?\\
Ляжаць – хай ляжаць, іх не буду чапаць.\\
Яны ж не чапаюць мяне і маўчаць.\\
\\
З талеркі ён сёрбае крупнік – ой-ой!\\
Кавалачак мяса хапае рукой.\\
Ён пальцамі ловіць у шклянцы кампот,\\
Абрусам ён выцер і шчокі і рот.\\
\\
Відэлец не ўцерпеў:\\
– За цэлы мой век\\
Мне трапіўся першы такі чалавек!\\
Ускочыла лыжка і ну рагатаць:\\
– Хі-хі, ха-ха-ха, ён дурненькі, відаць!\\
\\
А нож узлаваўся і тупнуў нагой:\\
– Давайце паслужым мы справе другой!\\
Пакінем яго аднаго за сталом,\\
А самі запішамся ў ме-та-ла-лом!\\
\\
Саскочылі разам яны са стала –\\
Ніякая сіла спыніць не магла.\\
Відэлец, і лыжка, і нож – ля дзвярэй.\\
Збянтэжыўся Саўка:\\
– Чакайце, э-гей!\\
\\
А тыя ляцяць, азірнуцца не хочуць.\\
– Хі-хі, ха-ха-ха! – толькі лыжкі рагочуць.\\
Бяжыць недарэка з пустымі рукамі…\\
Чым скончыцца ўсё?

Вы прыдумайце самі.

\\
\\
1974 г.

 


===== Падобныя старонкі =====
  * [[творы/эдзі-агняцвет/эдзі-агняцвет-хто-пачынае-дзень]]
  * [[творы/эдзі-агняцвет/эдзі-агняцвет-ціхі-вечар]]
  * [[постаці/эдзі-агняцвет]]
  * [[творы/эдзі-агняцвет/эдзі-агняцвет-маме]]
  * [[творы/эдзі-агняцвет/эдзі-агняцвет-зямля-з-блакітнымі-вачамі]]