~~META:
title = Эдзі Агняцвет — Рэчка-рэчанька мая
&keywords = хачу, прашу
&abstract = Чытаць верш Эдзі Агняцвет "Рэчка-рэчанька мая"
&iftrue = nan
~~

====== Эдзі Агняцвет — Рэчка-рэчанька мая ======
Я не хачу, каб рэчка высыхала,\\
Дзе чую ўсплёскі рыбак залатых,\\
Дзе човен скача ля свайго прычала,\\
Калі бягу па травах лугавых,\\
\\
Дзе лёд зімой іскрыцца ў сто вясёлак\\
І дзе ўвясну бушуе крыгаход.\\
Плыві, рака, паміж бароў вяселых,\\
Каб зелянелі сосны круглы год!\\
\\
Каб жаўранак гукаў вясну і лета\\
I не кранула птушачку бяда!\\
Каб не знікала у нашай студні светлай\\
Студзёная і смачная вада!\\
\\
Я не хачу, каб цінай безгалосай\\
Заплеснеў бераг, на якім стаю.\\
Прашу людзей, прашу ўсіх дарослых:\\
– Абараніце рэчаньку маю!\\
\\
Я падрасту і вам дапамагу –\\
I рыбкі залатыя зберагу.

 


===== Падобныя старонкі =====
  * [[ibdc.ped>нёман]]
  * [[творы/анатоль-грачанікаў/анатоль-грачанікаў-шарпілаўка-цячэ-ў-жыц]]
  * [[творы/сяргей-грахоўскі/сяргей-грахоўскі-пачатак]]
  * [[творы/якуб-колас/якуб-колас-каля-рэчкі]]
  * [[творы/ніна-мацяш/ніна-мацяш-жыла-была-рака]]