~~META:
title = Эдзі Агняцвет — Ледзянцы
&keywords = ледзянцы, малайцы, паперкі, шамацелі, сядзелі, канцэрце, аднойчы
&abstract = Чытаць верш Эдзі Агняцвет "Ледзянцы"
&iftrue = nan
~~

====== Эдзі Агняцвет — Ледзянцы ======
Аднойчы на канцэрце\\
Сядзелі малайцы,\\
Пад музыку смакталі\\
З ахвотай ледзянцы.\\
\\
Паперкі шамацелі,\\
Нібы асенні ліст...\\
А ў гэты час дзівосны\\
Паказваў піяніст.\\
\\
Спявалі ў зале рэкі,\\
Вырасталі бары,\\
Успыхвалі маланкі\\
Над вежамі ўгары.\\
\\
Цікава, што пачулі\\
Тры хлопцы-ласуны?\\
Ім сніліся, напэўна,\\
Цукерачныя сны?\\
\\
Паперкі шамацелі,\\
Танчэлі ледзянцы...\\
Аднойчы на канцэрце\\
Сядзелі малайцы.\\
\\
Давайце іх навучым\\
Знайсці музычны слых,\\
Каб шанаваць суседзяў,\\
Ды і сябе саміх!

\\
\\
Крыніца: Газета «Ніва». – 2003. – 17 жн. (№33)

 


===== Падобныя старонкі =====
  * [[ibdc.ped>цукеркі-3444]]
  * [[творы/эдзі-агняцвет/эдзі-агняцвет-саўка-за-сталом]]
  * [[творы/эдзі-агняцвет/эдзі-агняцвет-зямля-з-блакітнымі-вачамі]]
  * [[ibdc.ped>цукеркі]]
  * [[постаці/эдзі-агняцвет]]