Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.

~~META:
title = Эдзі Агняцвет — Конь і конік
&keywords = конік, конь, здзівіўся, лузе
&abstract = Верш Эдзі Агняцвет "Конь і конік"
&iftrue = nan
~~

====== Эдзі Агняцвет — Конь і конік ======
Рыжы конь хадзіў па лузе,\\
Там, на волі, паміж траў,\\
Хтось зялёны, невялічкі,\\
І скакаў, і стракатаў.\\
\\
Конь здзівіўся, глянуў скоса:\\
– Гэй, малеча,\\
Хто ты ёсць?\\
– Хто я? Конік.\\
Тут жыву я\\
І на лузе я – не госць!\\
\\
– Конік? Дык няўжо калісьці\\
Быў я сам такім малым? –\\
І схіліўся конь з пяшчотай:\\
– Будзеш родзічам маім!\\
\\
Ну а тут здзівіўся конік.\\
Жвавы, спрытны, як агонь,\\
Да асілка ён падскочыў:\\
– Адкажыце, хто вы?\\
– Конь!\\
\\
Засмяяўся конік звонка:\\
– Вось адкуль мой добры род!\\
Значыць, я вялікім буду,\\
Падрасту за нейкі год.\\
\\
Ён за хвост каню ўчапіўся\\
І на ўвесь трызвоніў луг,\\
Камарам, жукам хваліўся:\\
Конь – яго і брат і друг!\\
\\
На сцяблінцы, як на скрыпцы,\\
Ён іграў, вадзіў смыком.\\
Верыў мой маленькі конік –\\
Дужым будзе ён канём.

 


===== Падобныя старонкі =====
  * [[творы/уладзімір-дубоўка/уладзімір-дубоўка-ганарысты-конь]]
  * [[творы/максім-танк/максім-танк-конь-і-леў]]
  * [[творы/янка-сіпакоў/янка-сіпакоў-конь]]
  * [[творы/кандрат-крапіва/кандрат-крапіва-саманадзейны-конь]]
  * [[творы/янка-маўр/янка-маўр-бярозавы-конь]]