Праз лугі-разлогі,
Паміж рэчак звонкіх
Праляглі дарогі
Роднае старонкі.

Па адной дарозе
Пад Барысаў пойдзеш –
На рацэ Бярозе
Запаведнік знойдзеш.

Там у сінім змроку
Ёсць ласі, куніцы,
Там на кожным кроку –
Смачныя суніцы.

Над ракою ціхай
Ніцых лозаў шаты.
Там бабёр з бабрыхай
Збудавалі хату…

Кліча вецер свежы
Да другой дарогі.
Вабяць з даляў вежы,
Вабіць замак строгі.

Па шляху заходнім,
Там, дзе пушчаў гоман,
Мы ідзём да Гродні,
Дзе лагодны Нёман.

…Кожны кут радзімы –
Гэта быль і казка.
Кліча край любімы:
– Дзеці, калі ласка!

• алесь-разанаў/алесь-разанаў-вецер
• алесь-бадак/алесь-бадак-вецер
• максім-лужанін/максім-лужанін-міхалкавы-запісы-пра-вятр
• іван-навуменка/іван-навуменка-вецер-у-соснах
• алесь-гарун/алесь-гарун-ветру