~~META:
title = Эдзі Агняцвет — Кліча вецер свежы
&keywords = дарогі, кліча
&abstract = Чытаць верш Эдзі Агняцвет "Кліча вецер свежы"
&iftrue = nan
~~

====== Эдзі Агняцвет — Кліча вецер свежы ======
Праз лугі-разлогі,\\
Паміж рэчак звонкіх\\
Праляглі дарогі\\
Роднае старонкі.\\
\\
Па адной дарозе\\
Пад Барысаў пойдзеш –\\
На рацэ Бярозе\\
Запаведнік знойдзеш.\\
\\
Там у сінім змроку\\
Ёсць ласі, куніцы,\\
Там на кожным кроку –\\
Смачныя суніцы.\\
\\
Над ракою ціхай\\
Ніцых лозаў шаты.\\
Там бабёр з бабрыхай\\
Збудавалі хату...\\
\\
Кліча вецер свежы\\
Да другой дарогі.\\
Вабяць з даляў вежы,\\
Вабіць замак строгі.\\
\\
Па шляху заходнім,\\
Там, дзе пушчаў гоман,\\
Мы ідзём да Гродні,\\
Дзе лагодны Нёман.\\
\\
...Кожны кут радзімы –\\
Гэта быль і казка.\\
Кліча край любімы:\\
– Дзеці, калі ласка!

 


===== Падобныя старонкі =====
  * [[творы/алесь-разанаў/алесь-разанаў-вецер]]
  * [[творы/алесь-бадак/алесь-бадак-вецер]]
  * [[творы/максім-лужанін/максім-лужанін-міхалкавы-запісы-пра-вятр]]
  * [[творы/іван-навуменка/іван-навуменка-вецер-у-соснах]]
  * [[творы/алесь-гарун/алесь-гарун-ветру]]