~~META:
title = Эдзі Агняцвет — Зямля з блакітнымі вачамі
&keywords = наша, твае, шлях, краіна
&abstract = Чытаць верш Эдзі Агняцвет "Зямля з блакітнымі вачамі"
&iftrue = nan
~~

====== Эдзі Агняцвет — Зямля з блакітнымі вачамі ======
Зямля з блакітнымі вачамі –\\
Раздолле рэчак і лугоў!\\
Тут называюць Васількамі\\
На Беларусі хлапчукоў,\\
\\
Звіняць крыніцы, як цымбалы,\\
Сцяжынкі свецяць у лясах.\\
Палі, узгоркі, перавалы –\\
Прасторны шлях, далёкі шлях!\\
\\
Краіна славы партызанскай,\\
Краіна міру і даброт!\\
Ты – наша гордасць,\\
Наша казка,\\
Як сонца, шчодры твой народ.\\
\\
Твае сыны,\\
Твае унукі,\\
Мы любім гул тваіх бароў.\\
І рэкі цягнуцца, як рукі,\\
Да цёплых, верных рук сяброў.\\
\\
1976 г.\\


 


===== Падобныя старонкі =====
  * [[постаці/эдзі-агняцвет]]
  * [[творы/эдзі-агняцвет/эдзі-агняцвет-маме]]
  * [[творы/эдзі-агняцвет/эдзі-агняцвет-ціхі-вечар]]
  * [[творы/эдзі-агняцвет/эдзі-агняцвет-хто-пачынае-дзень]]
  * [[творы/эдзі-агняцвет/эдзі-агняцвет-саўка-за-сталом]]