~~META:
title = Эдзі Агняцвет — Дудка
&keywords = шчырых, святла, сэрца
&abstract = Чытаць верш Эдзі Агняцвет "Дудка"
&iftrue = nan
~~

====== Эдзі Агняцвет — Дудка ======
Мы з дзедам дудку змайстравалі,\\
Яна зайграла на зары,\\
Музычнай казкаю назвалі –\\
Прыходзьце,

слухайце, сябры!

\\
Сініцы, берасцянкі быццам\\
З акенца дудачкі ляцяць.\\
А як паклічу я крыніцы, –\\
Галаснікі аж зазвіняць!\\
\\
І над усёй зямлёй, здаецца,\\
Вясёлка звонкая ўзышла.\\
Жывое мае дудка сэрца –\\
Для песень шчырых і святла.

 


===== Падобныя старонкі =====
  * [[творы/змітрок-бядуля/змітрок-бядуля-дудачка]]
  * [[ibdc.ped>дудка-беларуская]]
  * [[творы/францішак-багушэвіч/францішак-багушэвіч-мая-дудка]]
  * [[постаці/эдзі-агняцвет]]
  * [[творы/віталь-вольскі/віталь-вольскі-цудоўная-дудка]]