~~META:
title = Эдзі Агняцвет — Гэты ціхі куток
&keywords = салдату
&abstract = Верш Эдзі Агняцвет "Гэты ціхі куток"
&iftrue = nan
~~

====== Эдзі Агняцвет — Гэты ціхі куток ======
На пліце – дзве нязгасныя даты,\\
Толькі дваццаць мінула салдату…\\
Ён у сорак чацвёртым загінуў.\\
У яго не было яшчэ сына.\\
\\
Красавік пасылае герою\\
сон-траву і пралескі свае,\\
Ліпень мальвай палае лясною,\\
Верас верасень шчодры дае.\\
\\
Кусцік ружы узбекскай тут свеціць –\\
Нам дзяўчынка прыслала здалёк…\\
Невядомыя воіну дзеці\\
Зберагуць гэты ціхі куток.

 


===== Падобныя старонкі =====
  * [[ibdc.ped>паклон]]
  * [[ibdc.ped>воін-вызваліцель]]
  * [[творы/васіль-быкаў/васіль-быкаў-пакахай-мяне-салдацік]]
  * [[творы/леанід-дайнека/леанід-дайнека-прынясіце-кветкі-салдатам]]
  * [[ibdc.ped>просты-рабочы-чалавек]]