Паляцець бы нам зімой
Да вясны прывольнай!
Янка – брацік меншы мой –
На забавы здольны.

– Дзьмухаўцоў нам не стае! –
І малюе Янка –
Узнікае на стале
Жоўтая палянка.

Пчолы раптам загулі,
Хіба пчолка лодар?
Будзе ліцца па зямлі
Самы смачны водар.

У мяне ж вясна свая:
Травень, бэз ліловы.
Я малюю салаўя
Ў лесе вечаровым.

Ад вясны памкнёмся мы
Зноў да снежнае зімы!
Мы гуляем,
Выдумляем…

• прыход-вясны
• сустрэча-вясны
• якуб-колас/якуб-колас-вясна
• гуканне-вясны
• васіль-жуковіч/васіль-жуковіч-трэба-маму-шанаваць