~~META:
title = Эдзі Агняцвет — Гульні-прыдумкі
&keywords = вясны, янка
&abstract = Верш Эдзі Агняцвет "Гульні-прыдумкі"
&iftrue = nan
~~

====== Эдзі Агняцвет — Гульні-прыдумкі ======
Паляцець бы нам зімой\\
Да вясны прывольнай!\\
Янка – брацік меншы мой –\\
На забавы здольны.\\
\\
– Дзьмухаўцоў нам не стае! –\\
І малюе Янка –\\
Узнікае на стале\\
Жоўтая палянка.\\
\\
Пчолы раптам загулі,\\
Хіба пчолка лодар?\\
Будзе ліцца па зямлі\\
Самы смачны водар.\\
\\
У мяне ж вясна свая:\\
Травень, бэз ліловы.\\
Я малюю салаўя\\
Ў лесе вечаровым.\\
\\
Ад вясны памкнёмся мы\\
Зноў да снежнае зімы!\\
Мы гуляем,\\
Выдумляем...

 


===== Падобныя старонкі =====
  * [[ibdc.ped>прыход-вясны]]
  * [[ibdc.ped>сустрэча-вясны]]
  * [[творы/якуб-колас/якуб-колас-вясна]]
  * [[ibdc.ped>гуканне-вясны]]
  * [[творы/васіль-жуковіч/васіль-жуковіч-трэба-маму-шанаваць]]