~~META:
title = Эдзі Агняцвет — Вельмі "ветлівы" Мікіта
&keywords = мікіта, ветлівы, сярдзіты, дзень, пень, слон, кішэнь, партфель, надзьмуты, паклаў, добры, людзі
&abstract = Чытаць верш Эдзі Агняцвет "Вельмі "ветлівы" Мікіта"
&iftrue = nan
~~

====== Эдзі Агняцвет — Вельмі "ветлівы" Мікіта ======
У спякоту або ў студзень,\\
Між палёў і гарадоў,\\
Людзі ўсе ідуць як людзі:\\
– Добры дзень!

– Салют!

– Здароў!

\\
Усміхнецца той другому –\\
I абодвум весялей.\\
Толькі ён выходзіць з дому,\\
Як гусак ці Бармалей:\\
\\
I надзьмуты, і сярдзіты\\
Вельмі "ветлівы" Мікіта!\\
Ён паклаў свой "добры дзень"\\
У партфель або ў кішэнь?\\
\\
I каго ён пераймае?..\\
У дрымучых джунглях слон\\
Галавой слану ківае –\\
Аддае і слон паклон.\\
\\
А як звонка ў пушчы нашай!\\
Берасцянка: – Цінь-цінь-цень!\\
– Добры дзень! – шчыгол адкажа.\\
Праўда, пень маўчыць як пень.\\
\\
I надзьмуты, і сярдзіты\\
Вельмі "ветлівы" Мікіта!\\
Ён паклаў свой "добры дзень"\\
У партфель або ў кішэнь?

 


===== Падобныя старонкі =====
  * [[творы/эдзі-агняцвет/эдзі-агняцвет-зямля-з-блакітнымі-вачамі]]
  * [[творы/эдзі-агняцвет/эдзі-агняцвет-ціхі-вечар]]
  * [[постаці/эдзі-агняцвет]]
  * [[творы/эдзі-агняцвет/эдзі-агняцвет-саўка-за-сталом]]
  * [[творы/эдзі-агняцвет/эдзі-агняцвет-маме]]