~~META:
title = Эдзі Агняцвет — Бульба ў кажушку
&keywords = бульбіну, сонца
&abstract = Верш Эдзі Агняцвет "Бульба ў кажушку"
&iftrue = nan
~~

====== Эдзі Агняцвет — Бульба ў кажушку ======
Пасадзілі бульбіну вясною\\
ў цёплую вільготную зямлю.\\
Сонца нахілялася над ёю,\\
воблака паіла дажджавое,\\
вецер напяваў ёй: «Люлі-лю!»\\
\\
Падрамала бульбіна ў зацішку,\\
як і сёстры меншыя яе.\\
Потым паднатужылася крышку –\\
і да сонца, ветру і хмурынак\\
распасцёрла парасткі свае.\\
\\
Як яна запрэглася ў работу!\\
Сілы набіралася, расла.\\
Пад зямлёй яе таўсцела цела,\\
вопратка наверсе зелянела –\\
цветам светла-бэзавым цвіла.\\
\\
Адкапалі бульбіну пад восень:\\
ну і дзіва! Важыць паўкіло.\\
Так ужо спрадвеку павялося:\\
лепей нашай бульбы беларускай\\
анідзе на свеце не было!\\
\\
Ля кастра прыемна ёй сагрэцца –\\
вось ляжыць і млее на баку.\\
Акалі на славу падпячэцца –\\
на далонь шырокую кладзецца\\
ў рудавата-шэрым кажушку.

 


===== Падобныя старонкі =====
  * [[ibdc.ped>каралева-агарода-4181]]
  * [[ibdc.ped>каралева-агарода]]
  * [[творы/іван-чыгрынаў/іван-чыгрынаў-бульба]]
  * [[ibdc.ped>гаспадары-зямлі]]
  * [[творы/авяр-ян-дзеружынскі/авяр-ян-дзеружынскі-беларуская-бульба]]