~~META:
title = Эдзі Агняцвет — Буду настаўнікам
&keywords = санька, дзеці, верас, пісаць
&abstract = Чытаць верш Эдзі Агняцвет "Буду настаўнікам"
&iftrue = nan
~~

====== Эдзі Агняцвет — Буду настаўнікам ======
Санька любіць дом і дворык –\\
Свой былы дзіцячы сад.\\
Тут прыручваў дзвюх вавёрак,\\
Маляваў і дождж, і град.\\
\\
I кармушку для сініцы\\
Майстраваў ён пад вярбой.\\
Слухаў казкі чараўніцы,\\
Выхавацелькі сваёй.\\
\\
А цяпер сюды прыводзіць\\
Санька меншую сястру.\\
А яна тут карагодзіць,\\
Ляльцы пацеркі знаходзіць,\\
Боты шые камару.\\
\\
...Раз сабраўся тут гурточак,\\
Дзеці ўселіся радком,\\
Расказаць ім Санька хоча –\\
Палюбіў ён школьны дом.\\
\\
I свая тут чараўніца\\
Ёсць у першым класе «Б».\\
– Я магу тут навучыцца\\
Бачыць свет вакол сябе.\\
\\
Перад намі – кветкі, травы –\\
Верас, мята, васілёк!\\
Вольга Паўлаўна ласкава\\
Пачынае свой урок:\\
\\
– Гляньце, родныя, на верас,\\
Трэба кветку змаляваць.\\
Тут побач, на паперы,\\
Слова будзеце пісаць.\\
\\
Атрымаецца, што кожны\\
I мастак, і грамацей! –\\
Размаўляць, пісаць прыгожа\\
Навучае ўсіх дзяцей.\\
\\
З беларускай шчырай мовай\\
Ладзяць нашы галасы.\\
Эх, пяюцца самі словы:\\
– Бусел,

верасень,

лясы!

\\
З Вольгай Паўлаўнай цікава.\\
Не злуецца, не крычыць.\\
Мы, як быццам для забавы,\\
Разам вучымся лічыць.\\
\\
А бяжым на перапынак,\\
Чуюць хлопчыкі наказ:\\
– Паважайце вы дзяўчынак –\\
Будуць паважаць і вас!\\
\\
Падрасту і ўсё згадаю,\\
Вашых слоў мне не забыць:\\
– Дзеці,

кожнаму жадаю

Чалавекам добрым быць!\\
\\
У няшчасці друг далёкі,\\
Трапіў у бяду сусед, –\\
Не глядзі спакойна збоку,\\
Памажы яму як след!\\
\\
Адкрывае школа цуды\\
Мне і ўсім маім сябрам.\\
Калі-небудзь, можа, буду\\
Я настаўнікам і сам.

 


===== Падобныя старонкі =====
  * [[творы/генадзь-бураўкін/генадзь-бураўкін-настаўнікі-не-паміраюць]]
  * [[творы/уладзімір-шыцік/уладзімір-шыцік-настаўнік]]
  * [[творы/мікола-гіль/мікола-гіль-першы-настаўнік]]
  * [[ibdc.ped>настаўнік-чарчэння]]
  * [[творы/іван-навуменка/іван-навуменка-настаўнік-чарчэння]]