~~META:
title = Эдзі Агняцвет — Блакітна-шэры Цім
&keywords = цацка, цім, дзяўчынка, блакітна-шэры
&abstract = Верш Эдзі Агняцвет "Блакітна-шэры Цім"
&iftrue = nan
~~

====== Эдзі Агняцвет — Блакітна-шэры Цім ======
Не брэша і не скача\\
Блакітна-шэры Цім.\\
Дзяўчынка ледзь не плача –\\
Адна марока з ім.\\
\\
Ён – цацка магазінная,\\
Пакупка імянінная,\\
\\
Дзяўчынкі несла Ціма\\
На вуліцу праз двор.\\
Прабегла такса міма\\
І пудзель ды баксёр.\\
\\
Што цацка? Нецікава!\\
Сваіх хапае спраў.\\
Адзін дварняга жвавы\\
Яго пашкадаваў.\\
\\
Пачаў брахаць, круціцца,\\
Дае ён Цімку знак,\\
Загадвае, як быццам:\\
– Скачы, як я, дзівак!\\
\\
І адбылося дзіва:\\
Малы сарваўся з рук,\\
Шчасліва-палахліва\\
Ён паглядзеў наўкруг.\\
\\
Дзяўчынка кліча цацку,\\
Збянтэжана зусім.\\
...Вось так ажыў знянацку\\
Блакітна-шэры Цім.

 


===== Падобныя старонкі =====
  * [[творы/эдзі-агняцвет/эдзі-агняцвет-зямля-з-блакітнымі-вачамі]]
  * [[постаці/эдзі-агняцвет]]
  * [[творы/эдзі-агняцвет/эдзі-агняцвет-саўка-за-сталом]]
  * [[творы/эдзі-агняцвет/эдзі-агняцвет-ціхі-вечар]]
  * [[творы/эдзі-агняцвет/эдзі-агняцвет-маме]]