~~META:
title = Цішка Гартны — Роднай краіне
&keywords = люблю, песні
&abstract = Чытаць верш "Роднай краіне" Цішкі Гартнага (Зміцера Жылуновіча)
&iftrue = nan
~~

====== Цішка Гартны — Роднай краіне ======
Я люблю гэты вобраз краіны,\\
Дзе відаць на абшары кругом\\
Курганы, і пустыя раўніны,\\
I балоты, заросшыя мхом.\\
\\
Я люблю гэты вобраз краіны,\\
Дзе Дзвіна й чысты Нёман плывуць\\
Між лясоў, паміж гор, праз лагчыны\\
Свае воды у мора нясуць;\\
\\
Дзе раскінулісь шэрыя вёскі,\\
А ў іх родныя песні чутны,\\
Песні — долі людской адгалоскі,\\
Песні — жальбы загнанай душы.\\
\\
Я люблю гэты вобраз бясконца,\\
Тыя вёскі, балоты, гаі,\\
Бо радзіўся я ў гэтай старонцы\\
I памру мо у гэтай зямлі!\\
\\
Магілёў, 1910

 


===== Падобныя старонкі =====
  * [[творы/васіль-жуковіч/васіль-жуковіч-бывай-бывай-дваццатае-ста]]
  * [[ibdc.ped>краіна-здароўя]]
  * [[творы/цішка-гартны/цішка-гартны-спатканне]]
  * [[творы/цішка-гартны/цішка-гартны-трэскі-на-хвалях]]
  * [[творы/пімен-панчанка/пімен-панчанка-краіна-мая]]