~~META:
title = Цішка Гартны — Да Нёмна
&keywords = вадой, пара
&abstract = Чытаць верш Цішкі Гартнага "Да Нёмна"
&iftrue = nan
~~

====== Цішка Гартны — Да Нёмна ======
Эх ты, Нёман-рака!\\
Ці ты думаў, ці сніў,\\
Як слязу бедака\\
Ў свае воды лавіў;\\
\\
Як стаяў над табой\\
Сын нядолі худы\\
І над цёмнай вадой\\
Спяваў песні нуды, –\\
\\
Што надыдзе пара –\\
Знемажэнне міне,\\
Вызвалення пара\\
Над народам блісне?\\
\\
Што з балючых грудзей\\
Беларусі дзяцей\\
Над табой загудзе\\
Песня вольных людзей?\\
\\
Капыль, 1909\\


Крыніца: Гартны Ц. Збор твораў. У 4 т. Т. І: Вершы, 1909-1935. Апавяданні 1909-1927. Аўт. прадм. С. Александровіч. – Мн.: Маст. літ., 1987. – 438 с.

 


===== Падобныя старонкі =====
  * [[ibdc.ped>берагам-нёмана]]
  * [[ibdc.ped>гімн-жыццю]]
  * [[ibdc.ped>старанная-праца]]
  * [[ibdc.ped>празрыстая-пара-восені]]
  * [[ibdc.ped>каля-нёмана]]