~~META:
title = Цішка Гартны — Восень (I сумна, і нудна, і вецер пяе...)
&keywords = гартны, восень
&abstract = Чытаць верш "Восень" (I сумна, і нудна, і вецер пяе...) Цішкі Гартнага (Зміцера Жылуновіча)
&iftrue = nan
~~

====== Цішка Гартны — Восень (I сумна, і нудна, і вецер пяе...) ======
I сумна, і нудна, і вецер пяе —\\
Асенняя песня жудой аддае...\\
Прыбрана у полі, і пуста вакруг,\\
Адзежаю смутна апрануты луг.\\
\\
Расліны жывое нідзе не відаць,\\
Ні голасу птушак нідзе не чуваць.\\
Толькі і ўбачыш па чорнай раллі\\
Сямейку сяўцоў невясёлых калі.\\
\\
Ды мучаюць вуха ўсё крыкі варон,\\
Злятаючых ў кучу з усенькіх старон.\\
Ды вока яшчэ хіба можна спыніць\\
На нівах адзетых, дзе рунь зеляніць.\\
\\
I сумна, і нудна! Пад вечар і з рання\\
Бялеюць усюды густыя туманы.\\
I хмаркі, як дзеці заклятай нуды,\\
Пярэсцяць і смуцяць там неба ўсягды.\\
\\
I сумна, і нудна! I жаль так бярэ,\\
Што восень ізноў зажыла на дварэ,\\
Што так неўспадзеўкі ў негаданы час\\
Цяпло і прыволле пакінула нас.\\
\\
1909

 


===== Падобныя старонкі =====
  * [[творы/цішка-гартны/цішка-гартны-свае-блінцы]]
  * [[творы/цішка-гартны/цішка-гартны-зміцер-жылуновіч-штрэйкбрэх]]
  * [[творы/цішка-гартны/цішка-гартны-трэскі-на-хвалях]]
  * [[творы/цішка-гартны/цішка-гартны-думкі]]
  * [[творы/цішка-гартны/цішка-гартны-спатканне]]