~~META:
title = Цішка Гартны — Восень (З поўначы цёмнае, сіверу дальняга...)
&keywords = гартны, восень
&abstract = Чытаць верш "Восень" (3 поўначы цёмнае, сіверу дальняга...) Цішкі Гартнага (Зміцера Жылуновіча)
&iftrue = nan
~~

====== Цішка Гартны — Восень (З поўначы цёмнае, сіверу дальняга...) ======
З поўначы цёмнае, сіверу дальняга\\
Нудная восень прыйшла.\\
З поля убранага, з лугу зялёнага\\
Жыцце-красу прыняла.\\
Холадам, сцюжаю разам павеяла,\\
Смерць за сабой прынясла.\\
З дрэва прыбранага, лісцем адзетага,\\
Ўборы сарвала,страсла.\\
Птушак міленькіх з краю радзімага\\
У вырай загнала ад нас;\\
Песні іх мілыя, дзіўна пяяныя\\
Ветрам заглушыла ўраз.\\
Ветрам, навеяным з дальняга сівера,\\
Хмар прынясла за сабой,\\
Неба высокае, сінекрыштальнае\\
Усё спавіло туманом.\\
Восень ты нудная, восень дажджлівая,\\
Ты немінуча ўсягды.\\
У сэрца балючае, ў душу сіротную\\
Многа ліеш ты нуды.

\\
\\
1910

 


===== Падобныя старонкі =====
  * [[творы/цішка-гартны/цішка-гартны-спатканне]]
  * [[творы/цішка-гартны/цішка-гартны-зміцер-жылуновіч-штрэйкбрэх]]
  * [[творы/цішка-гартны/цішка-гартны-думкі]]
  * [[творы/цішка-гартны/цішка-гартны-свае-блінцы]]
  * [[творы/цішка-гартны/цішка-гартны-трэскі-на-хвалях]]