Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.

~~META:
title = Цётка — Журавель і чапля
&keywords = журавель, чапля, ціпяху, ліпяху
&abstract = Чытаць апавяданне Цёткі "Журавель і чапля"
&iftrue = True
~~

====== Цётка — Журавель і чапля ======
Жылі сабе па абодвух канцах балота Журавель і Чапля.\\
После стала ім надта маркотна жыць, і вот уздумаў Журавель да Чаплі ў сваты ісці. Ціпяху, ліпяху, сем вярстоў па маху, цераз бор ды ў Чапляў двор.\\
– Як маешся, Чапля?\\
– Здароў, Журавель.\\
– Ці не пойдзеш, Чапля, за мяне замуж?\\
– А твае ногі доўгі, пер’е каротка; дужа ты брыдкі... Ідзі сабе, дзе быў!\\
Журавель перабраўся ізноў цераз балота дый прыйшоў у свой двор.\\
Раздумалася Чапля, што за Жураўля замуж не пайшла. «Дай, – кажа, – пайду да яго і перапрашу».\\
Ціпяху, ліпяху, сем вярстоў па маху, цераз бор ды ў Жураўлёў двор.\\
– Здароў, Журавель!\\
– Як маешся, Чапля?\\
– Вазьмі мяне замуж за сябе.\\
– Твая шыя доўга, і сіня, і крывая, і сама ты гарбатая; такой мне не патрэбна.\\
Хаця было і стыдна, аднак Чапля паплялася цераз бор назад у свой двор.\\
Шкода стала Жураўлю, што не ўзяў Чаплю бедную, і зноў пайшоў ён тою самаю дарогаю. Ціпяху, ліпяху, сем вярстоў па маху...\\
Так цэлы век свой хадзілі яны адзін да аднаго ў сваты, і так на абодвух канцах балота асталіся іх хаты.

 


===== Падобныя старонкі =====
  * [[ibdc.ped>жабяня-і-чапля]]
  * [[творы/цётка-алаіза-пашкевіч/цётка-мора]]
  * [[творы/максім-танк/максім-танк-журавель-і-чапля]]
  * [[творы/цётка-алаіза-пашкевіч/цётка-міхаська]]
  * [[ibdc.ped>першы-вылет]]