~~META:
title = Цётка — Вам, суседзі
&keywords = суседзі
&abstract = Чытаць верш Алаізы Пашкевіч (Цёткі) "Вам, суседзі"
&iftrue = nan
~~

====== Цётка — Вам, суседзі ======
Вам, суседзі, вам, кумочкі,\\
Беларусы-галубочкі,\\
Пяю з сэрца, падцінайце,\\
Вы грамадай голас дайце.\\
Зложым песню цэлым людам.\\
Выйдзе пекна, стане цудам.\\
Як свет светам яшчэ стаў,\\
Такой песні не слухаў:\\
Восем, дзевяць... і мільён\\
Грудзей зльецца ў адзін тон,\\
Дадуць песню, а ў ёй труд,\\
Доля, жыцце. Ці ж не цуд?\\
Ад вякоў мы, братцы, спалі,\\
А тут разам заспявалі.\\
\\
1905

 


===== Падобныя старонкі =====
  * [[творы/цётка-алаіза-пашкевіч/цётка-міхаська]]
  * [[творы/цётка-алаіза-пашкевіч/цётка-прысяга-над-крывавымі-разорамі]]
  * [[творы/цётка-алаіза-пашкевіч/цётка-мора]]
  * [[творы/цётка-алаіза-пашкевіч/цётка-сварба]]
  * [[творы/цётка-алаіза-пашкевіч/цётка-алаіза-пашкевіч]]