~~META:
title = Францішак Багушэвіч — Хмаркі
&keywords = жыццё, вецер, леціцё
&abstract = Чытаць верш Францішка Багушэвіча "Хмаркі"
&iftrue = nan
~~

====== Францішак Багушэвіч — Хмаркі ======
Хмаркі цёмныя, мае братанькі!\\
Вецер гоне вас без дарожанькі,\\
I нігдзе ж для вас няма хатанькі...\\
Адпачынеце аж у Божанькі!\\
\\
Гдзе радзіліся, гдзе ж вы, хмарачкі,\\
Гдзе «тутэйшымі» называліся!\\
Леціцё усё, так як ярачкі...\\
Хоць бы трошкі гдзе затрымаліся!\\
\\
Зямлі родненькай, знаць, няма у вас,\\
Ні вуголчыка, ні прытулачку.\\
А тут вецер дзьме горшы раз у раз,\\
Леціце жа вы без ратуначку!..\\
\\
Летучы, слязой зямлю росіце,\\
Аж шумяць лісткі, зелянее лес;\\
Уміраючы, жыццё носіце,\\
Усяму жыццё, сабе толькі крэс!

 


===== Падобныя старонкі =====
  * [[творы/францішак-багушэвіч/францішак-багушэвіч-ахвяра]]
  * [[творы/францішак-багушэвіч/творчасць-францішка-багушэвіча]]
  * [[творы/францішак-багушэвіч/францішак-багушэвіч-смык]]
  * [[творы/францішак-багушэвіч/францішак-багушэвіч-бог-не-роўна-дзеле]]
  * [[творы/францішак-багушэвіч/францішак-багушэвіч-гора]]