~~META:
title = Францішак Багушэвіч — Свiння i жалуды
&keywords = Багушэвіч, свiння, жалуды
&abstract = Чытаць байку Францішака Багушэвіча "Свiння i жалуды"
&iftrue = nan
~~

====== Францішак Багушэвіч — Свiння i жалуды ======
Свіння, наеўшыся пад дубам жалудзей,\\
Заснула смагла, прачасалася\\
I так, як іншы між людзей,\\
Лычом карэнняў дакапалася.\\
\\
Карэнні рве, капае ямы...\\
«Што робіш? — з дуба сокал кажа.—\\
Гэтак ты зглуміш і дуб самы,\\
Як падкапаеш, ссохне, ляжа!»\\
\\
«Дык што! няхай сабе хоць згіне!\\
Абы мне жалудоў пад'есці,\\
Каторых надта любяць свінні»,—\\
Зарухкала свіння урэшце.\\
\\
Дуб сокалу так гамане:\\
«Свіння свіннёй і заўсягды:\\
Яна не відзе, што на мне\\
Гадуюцца ёй жалуды!»

 


===== Падобныя старонкі =====
  * [[творы/францішак-багушэвіч/францішак-багушэвіч-гора]]
  * [[творы/леанід-дайнека/леанід-дайнека-жалезныя-жалуды]]
  * [[творы/аляксей-пысін/аляксей-пысін-жук-і-жолуд]]
  * [[творы/францішак-багушэвіч/творчасць-францішка-багушэвіча]]
  * [[творы/францішак-багушэвіч/францішак-багушэвіч-бог-не-роўна-дзеле]]